PSJ Osimheni almaq üçün 2 futbolçusunu təklif edəcək

"Napoli"nin hücumçusu Viktor Osimhen karyerasını PSJ-də davam etdirə bilər.

90deqiqe.Az "ll Mattino"ya istinadən xəbər verir ki, fransız nəhəngləri nigeriyalı hücumçunu transfer etməkdə israrlı olsalar da, onun müqaviləsində nəzərdə tutulan 120 milyon avroluq təzminatı ödəmək istəmir. 

Paris klubu Osimhenin alınması üçün tələb olunan məbləği azaltmaq üçün PSJ müqaviləyə yarımmüdafiəçi Karlos Soler və cinah oyunçusu Marko Asensio daxil etmək variantını nəzərdən keçirir. Xüsusilə, müqavilə üçün oxşar formatın PSJ-nin idman müşaviri Luis Kampos tərəfindən təklif edildiyi vurğulanıb.

Xatırladaq ki, bu mövsüm Osimhen bütün turnirlərdə 26 matçda iştirak edib, 14 qol vurub və 4 məhsuldar ötürmə edib. Futbolçunun klubla hazırkı əmək müqaviləsi 2026-cı ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 110 milyon avrodur.