PSJ-də Messi ilə Hakimi arasında fikir ayrılığı yaşanıb

Hücumçu Lionel Messinin PSJ-də Əşrəf Hakimi ilə münasibətləri gərgin olub.

90deqiqe.Az xəbər verir ki, ötən mövsüm Messi ilə Hakimi arasında münasibətlərdə pisləşmə müşahidə olunub. Daha gərgin anlardan birində futbolçular dava salmağa hazır olsalar da, həmin an PSJ-nin hücumçusu Neymar vəziyyəti sakitləşdirməyə və Messini müdafiə etməyə çalışıb.

Daha sonra Paris klubunun keçmiş müdafiəçisi Serxio Ramos münaqişəyə müdaxilə edərək Hakimiyə dedi: “Əgər ayağa qalxsan, mən də orada olacağam”.

Messi 2023-cü ilin yayında PSJ-dən ayrılıb. O, hazırda ABŞ-da "İnter Mayami"də oynayır.