Leven Kurzava PSJ-dən ayrıldı

PSJ-nin sol cinah müdafiəçisi Leven Kurzava karyerasını başqa klubda davam etdirəcək.

90deqiqe.Az xəbər verir ki, Kurzava bu yaxınlarda cari mövsümün sonunda PSJ-dən ayrılacağını açıqlayıb. 31 yaşlı futbolçunun başa çatan müqaviləsi yenilənməyəcəyindən o, azad agent kimi özünə yeni klub axtara biləcək.

Fransız 2015-ci ilin yayından Paris nəhənginə məxsusdu, lakin son illərdə o, meydanda demək olar ki, görünmür və ötən mövsümü icarə əsasında İngiltərənin “Fulhem” klubunda keçirib.

Leven Kurzava PSJ-də ümumilikdə 154 oyuna çıxıb, 14 qol və 23 məhsuldar ötürmə edib. Cari kampaniyada oyunçu yalnız bir dəfə əvəzedici kimi meydana çıxıb.