"Benfika" prezidenti Neveşin PSJ-yə keçdiyini təsdiqlədi

"Benfika"nın prezidenti Rui Kosta yarımmüdafiəçi Joao Neveşin PSJ-yə keçəcəyini təsdiqləyib.

90deqiqe.Az xəbər verir ki, məşhur jurnalist Fabrizio Romano funksionerin dediklərini belə çatdırıb.

“Bəli, artıq hər şey razılaşdırılıb. Joaonun bizi tərk etməsi kədərlidir, o, ən yaxşı oyunçudur, lakin bu gün biz yetmiş milyon avroluq təklifdən imtina edə bilmərik. Bu sadədir: biz yox deyə bilməzdik"

Ötən mövsüm Joao Neveş "Benfika"nın heyətində bütün turnirlərdə 55 oyuna çıxıb, 3 qol vurub və iki məhsuldar ötürmə edib. Yarımmüdafiəçinin transfer dəyəri 55 milyon avro qiymətləndirilir.