PSJ Mbappeyə 55 milyon avronu ödəməyəcək

Fransa Peşəkar Futbol Liqasının (LFP) Hüquq Komitəsinin qərarına baxmayaraq, PSJ sabiq hücumçusu Kilian Mbappeyə 55 milyon avro maaşı ödəməyəcək.

90deqiqe.Az-ın "L'Équipe"yə istinadən məlumatına görə, parislilər bu addımlarının qanuni olduğuna inanır və Mbappeni məhkəməyə verməyə hazırdır.

Xatırladaq ki, daha əvvəl hücumçu PSJ-dən ona 2024-cü ilin aprel, may və iyun ayları üçün maaş və bonusların ödənilməsini tələb etmişdi. Dünən, sentyabrın 11-də LFP Hüquq Komitəsi tərəfləri borc məsələsini məhkəmədən kənar həll etməyə çağırsa da, fransız futbolçu bundan imtina edib.

Mbappe 2018-ci ildən PSJ-də çıxış edir. Ötən yay hücumçunun Fransa nəhəngi ilə müqaviləsi başa çatıb.