Rabyot "Marsel"ə keçidi haqda danışıb

Fransalı yarımmüdafiəçi Adrien Rabyot niyə "Marsel"ə keçmək qərarına gəldiyindən danışıb.

90deqiqe.Az-ın məlumatına görə, 29 yaşlı futbolçu "BFM"ə bildirib ki, əvvəlcə onun "Marsel" komandasına keçməsi mümkün görünmür.

Yarımmüdafiəçi qeyd edib ki, “Marsel”in idman direktoru ilə uzun söhbətlərdən sonra razılıq əldə olunub.

“Mən bu layihə ilə maraqlandım. Bu şəhər həqiqətən futbol üçün yaşayır və qalib gəlmək istəyir, çox gözəldir”

Xatırladaq ki, Adrien Rabiot azad agent kimi Marselə keçib. Fransız yarımmüdafiəçi bundan əvvəl Turin "Yuventus", PSJ və "Tuluza"da çıxış edib. Ötən mövsüm Rabyot "Yuventus"un heyətində A Seriyasında 31 oyun keçirib. Fransız futbolçu 5 qol vurub və 3 məhsuldar ötürmə edib.