Enrike PSJ ilə müqaviləsini uzadıb

İspaniyalı baş məşqçi Luis Enrike PSJ klubu ilə müqaviləsini uzadıb.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb. 

O Enrikenin parislilərlə yeni müqaviləsi əvvəlcədən planlaşdırıldığı kimi 2027-ci ilin iyun ayına kimi nəzərdə tutulduğunu qeyd edib.

Xatırladaq ki, 54 yaşlı mütəxəssis ötən yaydan PSJ-nin sükanı arxasına keçib. Yeddi turdan sonra parislilər Fransa çempionatının turnir cədvəlində ikinci yerdədirlər. Komandanın aktivində 17 xal var. PSJ ilə lider "Monako" arasındakı fərq iki xaldır. Oktyabrın 19-da, Bakı vaxtı ilə saat 23:00-da start götürəcək Liqa 1-in səkkizinci turu çərçivəsində Enrikenin komandası Strasburqun qonağı olacaq.