Klopp Fransa klubu ilə çalışacaq

Hazırda "Red Bull" ilə əməkdaşlıq edən alman mütəxəssis Yurgen Klopp Fransa klublarından birinin layihəsində iştirak edəcək.

90deqiqe.Az-ın “Lequipe”yə istinadən məlumatına görə, söhbət paytaxtın “FK Paris” klubundan gedir. Paris klubunun gələcək sahibi Antuan Arno əməkdaşlıqdan danışıb.

“Mən artıq Klopp ilə danışmışam, onunla işləyəcəyimiz üçün fəxr edirəm. O, kəşfiyyat işlərində bizə kömək edəcək”, - deyə Arno bildirib.

Qeyd edək ki, Paris hazırda Fransanın ikinci divizionunda çıxış edir. Keçirilən 13 oyundan sonra komanda 27 xal toplayıb və turnir cədvəlinin ikinci pilləsində qərarlaşıb.