PSJ Özbəkistan millisinin müdafiəçisi ilə maraqlanır

“Lens”in və Özbəkistan millisinin müdafiəçisi Abdukodir Xusanov Avropanın top klubuna keçə bilər.

90deqiqe.Az-ın "Foot Mercato"ya istinadən məlumatına görə, 20 yaşlı futbolçu ilə PSJ maraqlanır. Paris klubu qışda müdafiəni gənc futbolçu ilə gücləndirməyi planlaşdırır.

 “Lens” isə Xusanovun satışından təxminən 20 milyon avro qazanmaq istəyir. Tərəflər arasında artıq ilkin danışıqlar da başlanılıb.

Abdukodir bu mövsüm "Lens"in heyətində 12 oyun keçirsə də, qol vura bilməyib. Xusanov mütəmadi olaraq Özbəkistan millisinə çağırılır, o, 2023-cü ilin yayında debüt edib və bu müddət ərzində artıq 18 oyun keçirib. Xusanovun "Lens"lə hazırkı müqaviləsi 2027-ci il iyunun 30-na kimidir.