Zidan Fransa nəhənginə rəhbərlik edə bilər

Zinəddin Zidan məşqçilik karyerasına qayıda bilər. 

90deqiqe.Az-ın “TodoFichajes”ə istinadən məlumatına görə, hazırda fransalı çalışdırıcı PSJ tərəfindən nəzərdən keçirilir. Liqa 1 nəhəngi Çempionlar Liqasının pley-off mərhələsinə vəsiqə qazana bilməsələr, Luis Enrikeni istefaya göndərməyi və bu postu Zidana həvalə etmək niyyətindədir.

Eyni zamanda, əfsanəvi fransız daha əvvəl verdiyi müsahibədə hansısa komandaya rəhbərlik etməyə hazır olduğunu vurğulamışdı.

PSJ hazırda qitənin əsas klub turnirinin turnir cədvəlində cəmi 25-ci yerdədir. Son beş turda Luis Enrikenin yetirmələri cəmi dörd xal toplayıb.