"Barselona" Conatan Daviddən imtina edib

"Lill"in hücumçusu Conatan David "Barselona"ya keçməyəcək.

90deqiqe.Az xəbər verir ki, bu barədə "Mundo Deportivo" məlumat yayıb.

Mənbənin məlumatına görə, son vaxtlar “Barselona”nın 24 yaşlı forvardla marağı soyuyub və kanadalının keyfiyyətlərinin "Barselona"nın ehtiyaclarına cavab verməyəcəyi qənaətinə gəlib.

Bu mövsüm David bütün turnirlər daxil olmaqla 26 matçda iştirak edib, 17 qol vurub və 5 məhsuldar ötürmə edib. Forvardın "Lill"lə müqaviləsi gələn ilin yayında başa çatır. Bu o deməkdir ki, artıq yanvarda o, istənilən klubla danışıq apara biləcək.