Kvaratsxeliya yeni klubu üçün müayinədən keçdi

Fransanın PSJ klubuna keçəcəyi gözlənilən gürcüstanlı hücumçu Xviça Kvaratsxeliya bu gün tibbi müayinədən keçib.

90deqiqe.Az "RMC Sport"a istinadən xəbər verir ki, 23 yaşlı futbolçunun artıq tibbi müayinənin uğurla həyata keçirildiyi və qarşıda müqavilənin imzalanması ilə yeni klub tərəfindən futbolçunun rəsmi təqdimatının gözlənildiyi bildirilir.

Daha əvvəl İtaliyanın "Napoli" klubundan Xviça Kvaratsxeliyanın transfer qiymətinin 70 milyon avro olacağı iddia olunurdu.

İtaliya çempionatının cari mövsümündə 23 yaşlı Xviça Kvaratsxeliya 17 oyun keçirib, o, 5 qol vurub və 3 məhsuldar ötürmə edib. Hücumçunun İtaliya kubokunda da bir oyunu var.