Dembele 3 həftə yaşıl meydanlardan uzaq qalacaq

Fransa millisinin və PSJ-nin hücumçusu Usman Dembele İspaniyaya qarşı keçirilən Millətlər Liqasının yarımfinal matçında zədələnib.

90deqiqe.Az-ın “ RMC Sport"a istinadən yaydığı məlumata görə, futbolçunun bud əzələsində zədələnmə aşkarlanıb. Onun bərpa prosesi təxminən 2–3 həftə davam edəcək.

Bu səbəbdən Dembele “PSJ”nin klublarası dünya çempionatının qrup mərhələsindəki ən azı üç oyununu buraxacaq. Paris təmsilçisi bu mərhələdə 15 iyun “Atletiko”, 20 iyun “Botafoqo” və 23 iyun “Sietl Saunders” ilə qarşılaşacaq.

Xatırladaq ki, Fransa millisi yarımfinalda İspaniyaya 4:5 hesabı ilə uduzub. Didier Deşamın komandası indi 8 iyun tarixində Almaniya ilə Millətlər Liqasının 3-cü yer uğrunda matçına hazırlaşır.