"Dembele "Qızıl Top"a tamamilə layiqdir"

PSJ-nin müdafiəçisi İlya Zabarni, komanda yoldaşı Usman Dembelenin "Qızıl Top" mükafatı qazandığı üçün duyğularını bölüşüb.

90deqiqe.Az xəbər verir ki, "RMC Sport" 23 yaşlı futbolçunun dediklərini belə çatdırıb.

"Usman üçün bu, inanılmaz bir hadisədir və o, bu mükafata tamamilə layiqdir. Bu, həm də bizim üçün çox gözəl bir hissdir. Məncə, biz dünyadakı ən yaxşı komandayıq"

Qeyd edək ki, Zabarni, PSJ ilə debüt oyununda qol vuraraq yadda qalıb. O, «Oser»ə qarşı (2:0) matçında fərqlənmişdi. 23 yaşlı müdafiəçi bu ilin yayında PSJ-ə transfer olub və Fransa çempionatında indiyədək 5 matçda iştirak edib, bir qol vurub. Növbəti turda isə PSJ "Lill" ilə qarşılaşacaq.