“Monako” baş məşqçisi ilə yollarını ayırdı

“Monako” klubu baş məşqçisi Adi Hyuterlə əməkdaşlığa son qoyub.

90deqiqe.Az-ın məlumatına görə, bu barədə klubun rəsmi saytı məlumat yayıb.

Klubun bəyanatında deyilir:

“Klub Adi Hyuterə və onun məşqçi heyətinə gördükləri iş, komandaya göstərdikləri sədaqət və fədakarlığa görə təşəkkür edir, gələcək karyeralarında uğurlar arzulayır.”

Avstriyalı mütəxəssis 2023-cü ilin yayından “Monako”ya rəhbərlik edirdi. Onun rəhbərliyi altında komanda bütün turnirlərdə 93 oyun keçirib, bunların 49-da qələbə qazanıb, 18-də heç-heçə edib, 26-da isə məğlub olub.

Fransa çempionatının yeddi turundan sonra “Monako” 13 xal toplayaraq turnir cədvəlində 5-ci pillədə qərarlaşıb.