“Marsel” inamlı qələbə ilə liderliyə yüksəldi

Fransa Liqa 1-in 2025/2026 mövsümünün XII turunda “Marsel” öz meydanında “Brest”i qəbul edib.

90deqiqe.Az xəbər verir ki, “Oranj Velodrom” stadionunda keçirilən görüşə Villi Delajo başçılıq edən hakimlər briqadası nəzarət edib.

Matç meydan sahiblərinin inamlı qələbəsi ilə başa çatıb – 3:0. Oyunun 25-ci dəqiqəsində “Marsel”in yarımmüdafiəçisi Eyncel Qomes hesabı açıb. 33-cü dəqiqədə Meyson Qrinvud fərqi iki topa çatdırıb. Qarşılaşmanın 81-ci dəqiqəsində isə Pyer-Emerik Obameyanq yekun nəticəni müəyyənləşdirib – 3:0.

Bu qələbədən sonra Roberto de Zerbinin komandası 25 xalla Fransa çempionatının liderliyinə yüksəlib. İkinci pillədə 11 oyundan 24 xal toplayan “PSJ” qərarlaşıb. “Brest” isə 10 xalla turnir cədvəlində 13-cü yerdədir.