Benzema “Lion”a qayıdışı ilə bağlı danışdı

“Qızıl top”un sahibi, fransalı hücumçu Kərim Benzema karyerasına başladığı “Lion”a qayıdıb-qayıtmayacağı ilə bağlı açıqlama verib.

90deqiqe.Az xəbər verir ki, "L’Equipe" 37 yaşlı futbolçunun dediklərini belə çatdırıb.

“Dəqiq demək çətindir ki, qayıda bilərəm. Futbolda heç nəyi qabaqcadan demək olmur. Yəqin ki, hər şeyi olduğu kimi saxlamaq daha yaxşıdır. “Lion”a başqa bir rolda kömək edə biləcəyimi istisna etmirəm. Amma komandanın heyətində oynamaq məsələsinə gəlincə, bunu bilmirəm”

Xatırladaq ki, Kərim Benzema “Lion”un yetirməsidir. Hücumçu 2023-cü ildən Səudiyyə Ərəbistanının “Əl-İttihad” klubunda çıxış edir. Onun klubla müqaviləsi gələn ilin iyun ayının sonunda başa çatacaq. Benzemanın hazırkı bazar dəyəri 7 milyon avro təşkil edir.