PSJ Mbappeyə 61 milyon avro təzminat ödəyəcək

Fransanın PSJ klubu, keçmiş hücumçusu Kilian Mbappeyə 61 milyon avro təzminat ödəyəcək.

90deqiqe.Az-ın "RMC Sport"a istinadən məlumatına görə, məhkəmə qərarı yekdilliklə qəbul edilib və dərhal icra olunması tələb olunub.Qərara səbəb, Mbappenin Paris klubu ilə müqaviləsinin bitməsindən sonra, klub tərəfindən ödənilməyən əmək haqqı, bonuslar və münasibətinə görə təzminat tələb etməsidir.

Xatırladaq ki, 2025-ci ilin noyabr ayında Mbappe, PSJ-dən 263 milyon avro təzminat tələb etmişdi. O, bu məbləğin içində müqaviləsinin bitməsindən sonra alınmadığı maaşını, mükafatları və klubun ona qarşı mənfi münasibətini də qeyd etmişdi.

Kilian Mbappe, 2024-cü ilin yayında PSJ-ni tərk edərək azad agent kimi Madridin "Real" klubuna transfer olub və hazırda həmin komandanın heyətində çıxış edir.