“Endrik bu mövsüm fərdi məqsədlərinə üstünlük verə bilər”

“Lion”un sabiq futbolçusu Sidney Qov yeni transfer — hücumçu Endrikin Fransanın “Lion” klubuna keçidi ilə bağlı fikirlərini açıqlayıb.

90deqiqe.Az-ın "Le Progres"ə istinadən məlumatına görə, ekspert braziliyalı oyunçunu yaxşı hücumçu adlandırıb, eyni zamanda komanda üçün potensial problemi də qeyd edib:

“Endrikin fərdi məqsədləri ola bilər və onlar komandanın kollektiv tapşırıqları ilə üst-üstə düşməyə bilər — məni narahat edən məqam budur”,

Endrik Madridin “Real” klubundan icarə əsasında Liqa 1-ə gəlib. 19 yaşlı braziliyalı futbolçu “Lion”un formasını mövsümün sonuna qədər geyinəcək. Cari mövsümdə Endrik “Real”ın heyətində 3 oyun keçirib, nəticə göstərməyib.