Vitinya ilin ən yaxşı yarımmüdafiəçisi seçildi

PSJ-nin futbolçusu Vitinya "Globe Soccer Awards" versiyasına əsasən ilin ən yaxşı yarımmüdafiəçisi seçilib.

90deqiqe.Az xəbər verir ki, Portuqaliya millisinin üzvü 2025-ci ilin ən güclü yarımmüdafiəçisi adına layiq görülərək dünya futbolunun bir sıra ulduzlarını geridə qoyub. Mükafata namizədlər sırasında Madrid “Real”ının futbolçusu Cud Bellinqem, PSJ-dəki komanda yoldaşı Jоau Neveş, “Çelsi”nin yarımmüdafiəçisi Koul Palmer və “Barselona”nın üzvü Pedri də yer alıb.

Qeyd edək ki,  nüfuzlu mükafatın təqdimetmə mərasimi Dubayda keçirilir. "Globe Soccer Awards" mükafatı futbolçuların il ərzində klub və beynəlxalq səviyyədə göstərdikləri performansa əsasən təqdim olunur.