"Mən "Lion"a qol vurmaq üçün gəlməmişəm"

Qış transfer pəncərəsində “Real”ın hücumçusu Endrik icarə əsasında “Lion”a keçərək daha çox oyun praktikası əldə etməyə başlayıb.

90deqiqe.Az xəbər verir ki, "Marca" braziliyalı futbolçunun dediklərini belə çatdırıb.

“Əsas məqsəd matçları qazanmaqdır. Mən qollarımla komandama kömək etməyə çalışacağam, lakin qol vurmaq digər oyunçuların da işi ola bilər. ‘Lion’a qolları saymaq üçün gəlməmişəm. Mən buraya trofey qazanmaq üçün gəlmişəm. Qollar vurmaq üçün çalışacağam, amma bəzən daha yaxşısı pası komanda yoldaşıma verməkdir”

Qeyd edək ki, Endrik “Lion” üçün ilk qolunu keçən həftəsonu Fransa Kubokunda “Lill”ə qarşı vurub.