“Xabi Alonsondan çox şey öyrəndim”

"Lion"da çıxış edən braziliyalı hücumçu Endrik “Real”ın baş məşqçisi Xabi Alonsonun istefasına münasibət bildirib.

90deqiqe.Az xəbər verir ki, "Marca" 19 yaşlı futbolçunun dediklərini belə çatdırıb.

“Xabidən ‘Real’da çox şey öyrəndim. O, yüksək səviyyəli futbolçu olub və futbola dərindən bələddir. Uzun müddət zədələndiyim üçün komanda ilə məşqlərdə iştirak edə bilmirdim, amma Xabidən eşitdiklərim mənə çox kömək edirdi. İndi isə Fonsekadan öyrənirəm, o da çox dəqiq və diqqətlidir. Açıq düşüncən varsa, hər gün böyük məşqçilərdən öyrənirsən – mən də bunu etməyə çalışıram.”

Qeyd edək ki, Endrik yaxınlarda oyun praktikası qazanmaq məqsədilə “Real”dan icarə əsasında “Lion”a keçib.