“Şevalye üzərində tənqid normaldır”

PSJ-nin baş məşqçisi Luis Enrike Çempionlar Liqasının VII tur matçında “Sportinq”ə 1:2 hesabı ilə uduzduqları oyundan sonra komandanın qapıçısı Lyuk Şevalyeyə qarşı irəli sürülən tənqidlərə münasibət bildirib.

90deqiqe.Az xəbər verir ki, "L’Équipe" çalışdırıcının dediklərini belə çatdırıb.

“İlk ilində hər bir gənc futbolçu tənqid olunacaq. Bu, Bradley [Barkola], Dezire [Dué] və digər oyunçular üçün də baş verib. Biz yayda üç futbolçu transfer etdik – Şevalye, Zabarni və Marin. Onlardan məmnunam, amma əlbəttə, hər zaman inkişaf etmək imkanı var. Yüksək səviyyəli komandaya gəldikdə tənqidlərə hazır olmaq lazımdır.”

Qapıçının əsas heyət uğrunda rəqibi Matvey Safonovdur. Rusiya millisinin qapıçısı hazırda zədədən bərpa prosesindədir və əsas heyət üçün hələ tam rəqabətə qadir deyil.

Baş məşqçinin sözləri göstərir ki, komanda rəhbərliyi gənc qapıçılara güvənir və tənqidlər onları inkişaf etməyə sövq edən normal proses kimi qəbul olunur.