Xviçanın durumuna aydınlıq gətirildi

PSJ-nin hücumçusu Xviça Kvaratsxeliya Çempionlar Liqasının “Nyukasl”la matçının ilk hissəsində zədələnərək əvəzlənib.

90deqiqe.Az klubun rəsmi saytına istinadən xəbər verir ki, gürcü futbolçuda yalnız sağ bilək bağlarının dartılması müşahidə olunub və onun 8–10 gün yaşıl meydanlardan kənarda qalacağı açıqlanıb.

Buna baxmayaraq, Kvaratsxeliya Çempionlar Liqasının pley-off mərhələsində iştirak edə biləcək. Paris klubunun rəqibi ya "Monako", ya da "Qarabağ" olacaq. İlk matç 17 və ya 18 fevral tarixində səfərdə baş tutacaq.

2025/2026 mövsümündə Kvaratsxeliya 27 oyunda iştirak edib, 7 qol vurub və 6 məhsuldar ötürmə edib.