“Qrinvud dünya səviyyəli oyunçudur”

"Marsel"in baş məşqçisi Roberto De Zerbi komandanın hücumçusu Meyson Qrinvudun oyununu şərh edib.

90deqiqe.Az xəbər verir ki, "RMC Sports" çalışdırıcının dediklərini belə çatdırıb.

“Bizə həmişə son iki matçdakı kimi Qrinvud lazımdır. O, dünya səviyyəli oyunçu olduğunu sübut edir və artıq komandaya tam fayda verən oyunçudur. Çətin dövrlər yaşadı, amma komandadan getmədi və qalmaq qərarına gəldi. O, ona verilən tövsiyələrin onun xeyrinə olduğunu başa düşdü.”

Baş məşqçi həmçinin futbolçunun şəxsiyyətindəki müsbət dəyişikliklərə diqqət çəkib: “Qrinvud indi daha açıq və ünsiyyətcildir, tez-tez gülümsəyir. Bu, onun psixoloji və sosial inkişafının göstəricisidir. İndi hər kəs onun əsl oyun keyfiyyətlərini dəyərləndirə bilir.”

Cari mövsümdə Fransa çempionatında ən çox qol vuran oyunçular siyahısında lider olan Qrinvud 13 qolla ön sıradadır. Ümumilikdə isə 31 oyunda 22 qol və 8 məhsuldar ötürmə ilə komandasının hücum xəttində əsas fiqurlardan biridir. Bu göstəricilər onun komandadakı vacib rolunu bir daha təsdiqləyir.