Xabi Alonso “Marsel”dən imtina etdi

"Real Madrid" sabiq baş məşqçisi Xabi Alonso artıq bir aydan çoxdur ki, işsizdir.

90deqiqe.Az-ın "Goal"a  istinadən məlumatına görə, ispaniyalı mütəxəssis "Marsel" klubundan gələn təklifi klub daxilindəki qeyri-sabit vəziyyətə görə qəbul etməyib.

Alonso üçün potensial variantlardan biri "Liverpul" ola bilər. Hazırda İngiltərə klubuna Arne Slot rəhbərlik edir və onun vəzifəsi ilə bağlı rəsmi təhlükə yoxdur. Bununla belə, mövsümün nəticələri qənaətbəxş olmasa, rəhbərlik alternativ namizədləri nəzərdən keçirə bilər.

Belə vəziyyətdə, vaxtilə futbolçu kimi "Liverpul"un formasını geyinmiş Xabi Alonsonun baş məşqçi postuna mümkün dönüşü gündəmə gələ bilər. Hazırda mersisaydlılar Premyer Liqa turnir cədvəlində altıncı pillədə qərarlaşıb.