- Fransa L.1
- 22:59 21.04.2026
Luís Enrike PSJ-nin baş məşqçisi vəzifəsində qalacaq.
90deqiqe.Az-ın “Diario AS”a istinadən məlumatına görə, ispan mütəxəssis Paris klubuyla müqavilənin 2030-cu ilin yayına qədər uzadılması barədə razılığa gəlib. Razılaşmanın rəsmi şəkildə mövsümün sonunda elan olunacağı bildirilir.
Hazırda Enrike bütün diqqətini mövsümün həlledici mərhələsinə yönəldib. O, həm Fransa çempionatını, həm də Çempionlar Liqasını qazanmağı hədəfləyir.
Luís Enrike 2023-cü ildə “PSJ”yə baş məşqçi təyin olunub. Onun rəhbərliyi altında Paris təmsilçisi 3 dəfə Fransa Superkubokunu, 2 dəfə Fransa çempionatını və Fransa Kubokunu qazanıb. Klub həmçinin Çempionlar Liqası, UEFA Superkuboku və Qitələrarası Kubokun da sahibi olub.
