PSJ 2026/2027 mövsümü üçün yeni ev formasını təqdim etdi - FOTOLAR

PSJ 2026/2027 mövsümündə geyinəcəyi ev formasını təqdim edib.

90deqiqe.Az xəbər verir ki, forma "Nike" şirkəti ilə əməkdaşlıq çərçivəsində hazırlanıb.

Klubun rəsmi açıqlamasında bildirilir:

“Royal göy rəngli köynək üzərində geniş qırmızı-ağ mərkəzi zolaq klub azarkeşlərinə — həm keçmiş, həm də indiki nəsil tərəfdarlara ehtiramın ifadəsidir. Bu formanı növbəti mövsümdə PSJ-nin bütün komandaları qürurla geyinəcək.

Bu gün ‘Paris Sen-Jermen’ Nike ilə artıq 37-ci mövsüm ardıcıl əməkdaşlıq çərçivəsində yeni ev formasını təqdim edir. Öz irsinə sadiq qalan, eyni zamanda gələcəyə yönələn bu forma klubun kimliyini əks etdirir və onun ən simvolik dizayn elementlərinə qayıdışı ifadə edir”, – deyə klubun rəsmi saytında qeyd olunub.