“Lill” baş məşqçi ilə yollarını ayırdı

Fransanın “Lill” klubu baş məşqçisi Bruno Jenezio ilə yolların ayrıb.

90deqiqe.Az-ın məlumatına görə, klub və mütəxəssis iki illik əməkdaşlıqdan sonra müqaviləni uzatmamaq barədə qərar qəbul ediblər. “Doglar” 59 yaşlı məşqçiyə gördüyü işlərə görə təşəkkür ediblər.

Qeyd olunur ki, “Lill” Fransa çempionatını 3-cü pillədə başa vuraraq Çempionlar Liqasının ümumi mərhələsinə vəsiqə qazanıb.

Bruno Jenezionun rəhbərliyi altında komanda iki mövsümdə 99 oyun keçirib: 50 qələbə, 19 heç-heçə və 30 məğlubiyyət əldə edib.

Yaxın günlərdə “Lill”in yeni baş məşqçisinin adını açıqlayacağı gözlənilir.