Mbappe karyerasının ən yaxşı oyununu açıqladı

“Real”ın hücumçusu Kilian Mbappe futbol karyerasında ən yaddaqalan matçının hansı olduğunu açıqlayıb.

90deqiqe.Az xəbər verir ki, fransalı ulduz “Barselona”ya qarşı keçirdiyi və het-trik etdiyi oyunu ən yaxşı performansı hesab edir.

"“Barselona”ya qarşı het-trik etdiyim matç — PSJ-də çıxış etdiyim vaxt", - deyə Mbappe bildirib.

Qeyd edək ki, həmin qarşılaşma 2020/2021 mövsümündə UEFA Çempionlar Liqasının 1/8 final mərhələsinin ilk oyununda baş tutub. “PSJ” səfərdə “Barselona”nı 4:1 hesabı ilə məğlub edib.

Cavab görüşündə isə komandalar 1:1 hesablı heç-heçə ediblər. Həmin matçda da Mbappe fərqlənməyi bacarıb.

Xatırladaq ki, ilk oyun “Barselona”nın ev stadionu olan “Kamp Nou”da keçirilib.