PSJ “Mançester Yunayted”lə heç-heçə etdi

Fransanın PSJ və İngiltərənin “Mançester Yunayted” komandaları arasında keçirilən yoxlama oyunu başa çatıb.

90deqiqe.Az-ın məlumatına görə, İsveçin Göteborq şəhərindəki “Ullevi” stadionunda keçirilən qarşılaşma 1:1 hesabı ilə başa çatıb.

PSJ 2-ci dəqiqədə İbrahim Mbaye ilə hesabı açıb. “Mançester Yunayted” 32-ci dəqiqədə Brayan Mbeumonun qolu ilə hesabı bərabərləşdirib.

PSJ-nin Rusiya millisinin qapıçısı Matvey Safonov oyunun 77 dəqiqəsində meydanda olub və qapısında 1 qol görüb.

Qeyd edək ki, PSJ avqustun 5-də digər yoxlama oyununda İspaniyanın “Malyorka” klubuna 0:3 hesabı ilə məğlub olub.

PSJ 2025/26 mövsümündə Fransa Liqa 1-in qalibi olub. Paris təmsilçisi 34 oyunda 76 xal toplayıb. Komanda UEFA Çempionlar Liqasının finalında “Arsenal”ı 1:1 (penaltilər seriyasında 4:3) hesabı ilə məğlub edərək turnirin qalibi olub.

“Mançester Yunayted” isə ötən mövsüm İngiltərə çempionatında 38 oyunda 71 xal toplayaraq 3-cü pilləni tutub.