“Renn” “Marsel” üzərində minimal hesablı qələbə qazandı

Fransa Liqa 1-in IV turunda “Renn” doğma meydanda “Marsel”i qəbul edib.

90deqiqe.Az-ın məlumatına görə, qarşılaşma meydan sahiblərinin 1:0 hesablı qələbəsi ilə başa çatıb.

Matçın ilk hissəsində komandalar hesabı aça bilməyiblər. Tərəflərin cəhdlərinə baxmayaraq, fasiləyədək qapılara qol vurulmayıb.

İkinci hissənin əvvəlində isə hesab dəyişib. Mussa Əl-Tamari Adrian Tomassona ötürmə edib. Sonuncu bu fürsəti dəyərləndirərək “Marsel”in qapıçısını məyus edib və “Renn”i önə keçirib.

Buraxılan qoldan sonra “Marsel” hesabı bərabərləşdirmək üçün irəli atılıb. Lakin “Renn” müdafiədə inamlı oyun nümayiş etdirərək rəqibinə qol imkanı verməyib.

Beləliklə, qarşılaşmanın sonuna qədər hesab dəyişməyib və “Renn” 1:0 hesablı qələbə qazanıb.

Bu nəticədən sonra “Renn” xallarının sayını 10-a çatdırıb. “Marsel” isə üç xalla kifayətlənib.