“Monako”nun hücumçusu İngiltərəyə qayıdışını istisna etmədi

“Monako”nun hücumçusu Folarin Balogun İngiltərə Premyer Liqasına mümkün keçidini istisna etməyib.

90deqiqe.Az-ın məlumatına görə, amerikalı futbolçu “talkSPORT”a açıqlamasında İngiltərə çempionatında çıxış etmək variantını hələ də nəzərdən keçirdiyini bildirib.

“Bəli, bu mümkündür”, – deyə hücumçu İngiltərəyə mümkün qayıdışı ilə bağlı suala cavab verib.

Futbolçu “Monako”nun Fransa çempionatındakı startını da dəyərləndirib. Komanda mövsümə məğlubiyyətsiz başlayaraq Liqa 1-in turnir cədvəlinə başçılıq edir. Lakin Balogun hazırkı mövqeyə həddindən artıq önəm verməməyə çağırıb.

Qeyd edək ki, 25 yaşlı futbolçu yay transfer pəncərəsində “Monako”dan “Everton”a keçməyə yaxın olub. Əvvəlcə transferin təxminən 46 milyon avroya başa gələcəyi gözlənilsə də, tibbi müayinə zamanı ortaya çıxan problemlər səbəbindən keçid baş tutmayıb.