PSJ səfərdə “Strasburq”u məğlub edib

Fransa Liqa 1-in 2026/2027 mövsümünün 7-ci turunda “PSJ” səfərdə “Strasburq”u 3:1 hesabı ilə məğlub edib.

90deqiqe.Az-ın məlumatına görə, Strasburqdakı “Meno” stadionunda keçirilən görüşü Villi Delajo idarə edib.

Matçda hesabı 17-ci dəqiqədə meydan sahiblərinin yarımmüdafiəçisi Covanni Reyna açıb. 73-cü dəqiqədə Usman Dembele penaltidən yararlana bilməyib. Lakin beş dəqiqə sonra İlya Zabarnı “PSJ”nin bərabərlik qolunu vurub. Dembele 85-ci dəqiqədə komandasını önə keçirib, Dezire Due isə 90+3-cü dəqiqədə yekun hesabı müəyyənləşdirib – 3:1.

Qeyd edək ki, əvvəlki turda “Strasburq” “Nitsa”ya 1:2 hesabı ilə uduzub, “PSJ” isə “Le-Man”ı 3:1 hesabı ilə məğlub edib. Növbəti turda Strasburq təmsilçisi oktyabrın 25-də “Renn”lə, Luis Enrikenin komandası isə həmin gün “Lion”la qarşılaşacaq.

Xatırladaq ki, Liqa 1-in son qalibi ötən mövsümü 34 oyunda 76 xalla başa vuran “PSJ”dir.