“Nitsa” səfərdə “Brest”ə qalib gəldi

Fransa Liqasının VIII turunda “Nitsa” səfərdə “Brest” üzərində əzmkar qələbə qazanıb. 

90deqiqe.Az-ın məlumatına görə, qarşılaşma qonaqların 2:1 hesablı üstünlüyü ilə başa çatıb.

Meydan sahibləri 15-ci dəqiqədə Lüdovik Ajorqun qolu ilə hesabı açıblar. “Brest” fasiləyədək üstünlüyünü qorusa da, ikinci hissədə “Nitsa” oyunun gedişini dəyişməyi bacarıb.

61-ci dəqiqədə Elie Vahi hesabı bərabərləşdirərək qonaqları mübarizəyə qaytarıb. Matçın taleyi isə 83-cü dəqiqədə həll olunub. Sofyan Diop rəqib qapısına yol taparaq “Nitsa”ya üç xal qazandırıb.

Qarşılaşmada bundan sonra hesab dəyişməyib və “Nitsa” səfərdən 2:1 hesablı qələbə ilə ayrılıb.