“Monako” azlıqda qalan “Lill”lə heç-heçə etdi

Fransa Liqa 1-in 8-ci turunda “Monako” doğma meydanda “Lill”lə heç-heçə edib.

90deqiqe.Az-ın məlumatına görə, qarşılaşma 1:1 hesabı ilə başa çatıb.

 24-cü dəqiqədə Eten Mbappe “Lill”i hesabda önə keçirib. “Monako” ilk hissənin sonunadək bərabərlik qolunu vurmağa çalışsa da, buna nail ola bilməyib.

Matçın 67-ci dəqiqəsində “Lill”in müdafiəçisi Tanqi Nianzunun qırmızı vərəqə alaraq meydandan qovulması oyunun gedişinə təsir edib. Rəqibin azlıqda qalmasından yararlanmağa çalışan meydan sahibləri hücumlarını gücləndiriblər.

“Monako” 74-cü dəqiqədə istəyinə çatıb. Edan Diop fərqlənərək hesabı bərabərləşdirib və matçın yekun nəticəsini müəyyənləşdirib.

Qeyd edək ki, “Monako”nun rusiyalı yarımmüdafiəçisi Aleksandr Qolovin qarşılaşmanı əvəzlənmədən keçirib, lakin məhsuldar fəaliyyəti ilə yadda qalmayıb.