Əşrəf Hakimi karyerasında ilk het-trikini reallaşdırdı

PSJ-nin müdafiəçisi Əşrəf Hakimi karyerasında ilk dəfə bir oyunda üç qol vurub.

90deqiqe.Az-ın məlumatına görə, mərakeşli futbolçu Fransa Liqa 1-in IX turunda “Havr”la səfər matçında şəxsi rekorduna imza atıb.

Hakimi görüşün 28-ci dəqiqəsində Sennı Mayulunun ötürməsindən sonra hesabı açıb. O, 55-ci dəqiqədə cərimə zərbəsindən birbaşa qapıya zərbə endirərək dubl edib.

Mərakeşli futbolçu 69-cu dəqiqədə het-trikini tamamlayıb. Onun cinahdan edilən ötürməyə zərbəsindən sonra top əvvəlcə qapıçıya, daha sonra yenidən Hakimiyə dəyərək qapıdan keçib.

PSJ-nin heyətində Mayulu və Mika Qodts da fərqləniblər. “Havr”ın yeganə qolunu isə Matvey Safonovun qoruduğu qapıya Coşua Maja vurub. O, ikinci hissədə topu dirəyə də göndərib.