“Marsel” səfərdə “Lans”ı məğlub etdi

Fransa Liqa 1-in 10-cu turunda “Marsel” səfərdə “Lans”la qarşılaşıb.

90deqiqe.Az-ın məlumatına görə, “Bollar-Delelis” stadionunda keçirilən görüş qonaqların 2:1 hesablı qələbəsi ilə başa çatıb.

Matçda hesabı ikinci dəqiqədə “Marsel”in hücumçusu Amin Qiri açıb. 20-ci dəqiqədə meydan sahiblərinin yarımmüdafiəçisi Florian Toven tarazlığı bərpa edib. Görüşün 82-ci dəqiqəsində isə qonaqların futbolçusu Keylian Abdallah komandasına qələbə qazandıran qolu vurub.

Bu nəticədən sonra 18 xalı olan “Marsel” turnir cədvəlinin dördüncü pilləsində qərarlaşıb. 13 xalı olan “Lans” isə 11-cidir.

Növbəti turda “Lans” noyabrın 21-də doğma meydanda “Tuluza”nı qəbul edəcək. “Marsel” isə bir gün sonra öz meydanında “Le-Man”la qarşılaşacaq.