“Lion”un yeni baş məşqçisi bəlli olub

İspaniyalı mütəxəssis Karlos Visens Fransanın “Lion” klubunun baş məşqçisi təyin edilib.

90deqiqe.Az-ın məlumatına görə, bu barədə klubun mətbuat xidməti məlumat yayıb.

43 yaşlı məşqçi bu vəzifədə Lissabon “Sportinq”inə keçən Paulo Fonsekanı əvəzləyib.

Visens bir neçə həftə əvvəl Portuqaliyanın “Braqa” klubundan ayrılıb. O, 2025-ci ilin yayından həmin komandanı çalışdırırdı. İspaniyalı mütəxəssis bundan əvvəl səkkiz il “Mançester Siti”nin sistemində fəaliyyət göstərib və əsas komandada Xosep Qvardiolaya kömək edib.

Fransa çempionatında 10 turdan sonra “Lion” 17 xalla turnir cədvəlinin beşinci pilləsində qərarlaşıb.