21 noyabr 2026. Şənbə

“Trua” “Havr” üzərində əzmkar qələbə qazanıb


“Trua” “Havr” üzərində əzmkar qələbə qazanıb

Fransa çempionatının XI turunda “Trua” doğma meydanda “Havr”ı qəbul edib.

90deqiqe.Az-ın məlumatına görə, qarşılaşma meydan sahiblərinin 3:1 hesablı qələbəsi ilə başa çatıb.

Görüşün əsas qəhrəmanı dubl müəllifi olan yarımmüdafiəçi Antuan Mil olub.

Qonaqlar matça fəal başlayaraq artıq 3-cü dəqiqədə Coş Mayyanın qolu ilə hesabı açıblar. Lakin “Havr”ın üstünlüyü uzun çəkməyib. 19-cu dəqiqədə Kande Diavaranın ötürməsindən sonra Antuan Mil fərqlənərək hesabı bərabərləşdirib.

İkinci hissədə hücumlarını davam etdirən “Trua” 69-cu dəqiqədə yenidən Milin qolu ilə önə keçib. Beləliklə, yarımmüdafiəçi dublunu rəsmiləşdirib.

Oyuna əlavə olunmuş 8-ci dəqiqədə Reno Ripar penaltini dəqiq yerinə yetirərək matçda son nöqtəni qoyub.

Nəticədə “Trua” rəqibini 3:1 hesabı ilə məğlub edərək üç xal qazanıb.







Fransa L.1

PSJ-yə bir qol bəs etdi
  • Fransa L.1
  • 02:02 08.11.2026
PSJ-yə bir qol bəs etdi