Vest Hem Beqoviçi alsa yaxşı olar - Bent

İngiltərə millisinin sabiq futbolçusu Darren Bent hesab edir ki, Premyer Liqa təmsilçisi “Vest Hem” hazırda “Qarabağ”da çıxış edən Asmir Beqoviçi transfer etməlidir.

Corner.az xəbər verir ki, O, Britaniya mətbuatına açıqlamasında deyib: “Onun yaxşı təcrübəsi var. Belə qapıçı komandaya faydalı olardı.  “Vest Hem” problemlərinin həlli üçün addımlar atmalıdır. Klubun yeni qapıçıya ehtiyacı var və məsələ həllini tapmalıdır. Beqoviç İngiltərədə yaxşı işlər görüb”.

Xatırladaq ki, bir müddət əvvəl “The Sun” nəşri dekabrın sonunda “Qarabağ”la icarə müqaviləsi başa çatacaq Asmir Beqoviçlə “Vest Hem”in maraqlandığını yazıb.

Bosniyalı qapıçı müqavilə ilə Premyer Liqanın başqa klubu “Bornmut”a məxsusdur.(qol)