Transferlərə 180 milyon ayrıldı

Transfer qadağası ləğv edilən "Çelsi" qış fasiləsində heyətini gücləndirməyə başlayacaq.

Corner.az-ın xarici mətbuata istinadən məlumatına görə, klub rəhbərliyi bununla bağlı baş məşqçi Frenk Lempardın istəklərini yerinə yetirməyə çalışacaq.

Belə ki, London klubu qışda alınacaq futbolçular üçün 180 milyon avroluq büdcə ayırıb. Gənc mütəxəssis, xüsusən də, hücum xəttinin gücləndirilməsini planlaşdırır. Onun siyahısında "Leypsiq"in hücumçusu Timo Verner, "Lion"un forvardı Musa Dembele və  "Borussiya Dortmund"slun yarımmüdafiəçisi Ceydon Sançonun adı var.

Qeyd edək ki, Premyer Liqada 17 turdan sonra aktivində 29 xal olan "Çelsi" turnir cədvəlinin 4-cü pilləsində qərarlaşır.