"Mançester Siti”nin zədəli futbolçusu Serxio Aquero fərdi məşqlərə başlayıb.
Corner.az xəbər verir ki, bu barədə klubun mətbuat xidməti məlumat yayıb.
Əzələ problemləri səbəbindən “şəhərlilər”in son 6 oyununu buraxan 31 yaşlı hücumçunun yaxın zamanda yaşıl meydanlara qayıdacağı gözlənilir.
Qeyd edək ki, Aquero bu mövsüm Premyer Liqada 12 oyuna çıxıb və 9 qolla yadda qalıb.
