ABŞ-ın dövlət katibi Özili dəstəklədi

ABŞ-ın dövlət katibi Mayk Pompeo "Arsenal"ın futbolçusu Məsut Özili dəstəkləyib.

Corner.az-ın məlumatına görə, Pompeo türk əsilli yarımmüdafiəçinin Çində uyğurların təqib olunmasına biganə qalan müsəlmanlara qarşı tənqidlərini haqlı sayıb.

"Çin Kommunist Partiyasının təbliğatçı kanalları Özilə, "Arsenal"ın bütün oyunlarına qadağa qoya bilər, amma həqiqət zəfər çalacaq. Kommunist Partiyası uyğurlara və dünyanın digər dini konfessiyalarına qarşı törədilən insan hüquqları pozuntularını gizlədə bilməz",- Pompeo vurğulayıb.

Qeyd edək ki, Məsut Özil Çindəki fan-klubunu və Çin saytlarındakı sosial şəbəkə akkauntlarını bağlayıb. Sonradan o, öz statusunu silib. Onun sözlərinə cavab olaraq İngiltərə Premyer Liqasının "Arsenal" - "Mançester Siti" matçının yayımı Çində ləğv olunub.