- İngiltərə P.L.
- 10:08 23.10.2024
İngiltərə Futbol Federasiyası "Tottenhem"in futbolçusu Son Hın Mini 3 oyunluq cəzalandırıb.
Corner.az klubun rəsmi "Tvitter" səhifəsinə istinadən xəbər verir ki, buna səbəb koreyalı yarımmüdafiəçinin İngiltərə Premyer Liqasınının 17-ci turunda "Çelsi" ilə matçda etdiyi hərəkət olub. 27 yaşlı futbolçu oyun zamanı rəqib futbolçu Antonio Rudiger ilə toqquşmadan sonra yerə yıxılıb və ardınca o, rəqibin qarnına təpik vurub. Bu hərəkətinə görə Son qırmızı vərəqə ilə meydandan qovulub.
Beləliklə, "Tottenhem"in futbolçusunun ölkə çempionatında "Brayton", "Norviç" və "Sauthempton"la matçları buraxacağı bildirilib.
Qeyd edək ki, "Tottenhem" - "Çelsi" görüşündə "zadəganlar" 2:0 hesablı qələbəsi ilə başa çatıb.