İngiltərə Premyer Liqasında 21-ci turun oyunlarına start verilib.
Corner.az xəbər verir ki, ilk oyun günündə 9 qarşılaşma baş tutub.
Turun açılış matçında “Çelsi” səfərdə “Brayton”la üz-üzə gəlib. London təmsilçisi bu turda qələbəni əldən verib və 1 xalla kifayətlənməli olub.
“Bernli” evdə “Aston Villa”ya, “Nyukasl” “Lester”ə məğlub olub. Səfərdə “Sauthempton”un qonağı olan “Tottenhem” minimal hesabla uduzub. “Uotford” “Vulverhempton”a, “Vest Hem” “Bornmut”a qalib gəlib. “Norviç” – “Kristal Pelas” matçında isə qalib müəyyənləşməyib.
Son çempion “Mançester Siti” öz doğma meydanında “Everton”u sınağa çəkib və çətin qələbə qazanıb.
Turun mərkəzi görüşü isə Londonda baş tutub. “Arsenal” öz meydanında “Mançester Yunayted”i qəbul edib. "Topçular" bu görüşdən inamlı qələbə ilə ayrılıb.
İngiltərə Premyer Liqası
21-ci tur
1 yanvar
Brayton – Çelsi 1:1
Qol: Cahanbaxş, 84 – Aspilikueta, 10.
Bernli – Aston Villa 1:2
Qol: Vud, 80 – Uesli, 27. Qriliş, 41.
Nyukasl – Lester 0:3
Qol: A.Peres, 36. Maddison, 39. Xuduri, 87.
Sauthempton – Tottenhem 1:0
Qol: İnqs, 17.
Uotford – Vulverhempton 2:1
Qol: Deulofeu, 30. Dukure, 49 – Neto, 60.
Mançester Siti – Everton 2:1
Qol: Q.Xesus, 51; 58 – Riçarlison, 71.
Norviç – Kristal Pelas 1:1
Qol: Kentuel, 4 – Uikhem, 85.
Vest Hem – Bornmut 4:0
Qol: Noble, 17; 35. Haller, 25. Anderson, 66.
Arsenal – Mançester Yunayted 2:0
Qol: Pepe, 8. Sokratis, 42.
