Yaxşı yox, pis xəbərlər gözləyirəm - Mourinyo

'Tottenhem"in baş məşqçisi Joze Mourinyo zədəli futbolçu Harri Keynin vəziyyəti barədə danışıb.

Corner.az Britaniya mətbuatına istinadən xəbər verir ki, portuqaliyalı mütəxəssis 26 yaşlı futbolçunun durumu haqda yaxşı xəbər gözləmədiyini söyləyib: "Hələ heç bir məlumat bilmirəm. Bəlkə də bu gün bir şey məlum olacaq. Ancaq məndən hiss etdiyimi soruşsanız cavab verərəm ki, yaxşı yox, pis xəbərlər gözləyirəm".

Qeyd edək ki, H.Keyn ötən gün Premyer Liqanın 21-ci turunda "Sauthempton"la matçda zədələnərək meydanı tərk edib. Onun 4-6 həftə yaşıl meydanlardan uzaqda qalacağı bildirilib.(qol)