“Liverpul”un futbolçusu Nabi Keyta sıradan çıxıb.
Corner.az xəbər verir ki, bu barədə komandanın baş məşqçisi Yurgen Klopp BBC-yə açıqlamasında məlumat verib.
Almaniyalı mütəxəssisin sözlərinə görə, 24 yaşlı futbolçu İngiltərə Premyer Liqasının 21-ci turunun “Şeffild Yunayted”lə görüşdən əvvəl isinmə hərəkətləri edərkən zədələnib.
Klopp, qvineyalı yarımmüdafiəçinin İngiltərə kubokunun “Everton”la matçında komandasına kömək edə bilməyəcəyini deyib.
Qeyd edək ki, “Liverpul” – “Everton” matçı yanvarın 5-də keçiriləcək.
