"Çelsi"nin hücumçusu Olivye Jiru bu qış komandanı tərk edə bilər.
Corner.az xəbər verir ki, "zadəganlar"ın baş məşqçisi Frenk Lempard İngiltərə Federasiya kubokunda 1/32 finalında "Nottingem Forest"lə oyundan sonra bu barədə açıqlama verib. O, 33 yaşlı futbolçunun gedişinə mane olmaq istəmədəyini bildirib:
"Onunla bağlı hələ rəsmi məlumat yoxdur. Özü ilə danışmışam. Klubumuza ziyan vurmayacaq bir seçimi varsa, gedə bilər. Təbii ki, yalnız şərtlərimiz qəbul olunacağı təqdirdə".
Qeyd edək ki, fransalı futbolçu ilə "Yuventus", "İnter" və "Nyukasl" klubları maraqlanır.