İngiltərə Federasiya kubokunun 1/32 final mərhələsinin cavab oyunları çərçivəsində “Vulverhempton”la qarşılaşan “Mançester Yunayted” ciddi itki ilə üzləşib.
Corner.az klubun saytına istinadən xəbər verir ki, “qırmızı şeytanlar”ın 1:0 hesabıyla qələbə qazandığı oyunda Markus Reşford zədələnib.
22 yaşlı futbolçu zədə səbəbiylə oyunun 80-ci dəqiqəsində meydanı tərk edib. Oyundan sonra hücumçunun vəziyyəti ilə bağlı açıqlama verən baş məşqçi Ole-Qunnar Sulşer, bunları deyib:
“Son zamanlar onun müəyyən problemi vardı, amma bu zədə başqadır. Onu oynatmaq istəmirdim, ancaq qələbəyə ehtiyacımız vardı. Onu bazar gününə çatdırmağa çalışacağıq, ancaq buna söz vermək istəmirəm”.
Qeyd edək ki, “Mançester Yunayted” yanvarın 19-da Premyer Liqanın 23-cü turu çərçivəsində “Liverpul”la qarşılaşacaq.
